韋斯咸穩守突擊發揮理想，領先兩球下，完場前 20分鐘換走安東尼奧，企圖加強防守，結果又一次適得其反，連失三球，3-4負於紐卡素。

韋斯咸上周亦在領先情況下，66分鐘撤下入球功臣安東尼奧，間接鼓勵對手肆無忌憚地狂攻，結果被維拉追和 1-1，連續兩場無法保持勝果，共失 5分。

莫耶斯部署的穩守突擊原本發揮理想，雙防中蘇捷和獲得包斯安於防務，在禁區邊有效保護一對中堅，遇攻時更進入禁區，密集佈防。

前綫 3人亦努力奔跑；保雲、柏基達和古度斯縮至禁區邊攔截破壞，伺機發動快攻，安東尼奧、保雲和古度斯把握力強，相繼得手。

錘仔幫領先了大半場，但晚節不保。

紐卡素主場一貫表現突出，但今仗前中場球員表現失準，面對密集佈防的錘仔幫，中前場無法撕破對方的防禦，主要倚賴哥頓左路進襲，希望作出突破，但單調的進攻方式，錘仔幫容易防守。

儘管喜鵲開賽 3分鐘首次攻門便獲得十二碼領先，但防綫受傷兵困擾，當中堅拿錫斯傷出，喜鵲防綫被迫大執位後，僅 4分鐘便失球。

其後更被錘仔幫先後藉快攻和反擊連下兩城，主場由領先 1-0，變成落後 1-3，形勢惡劣。

領隊賀維下半場兩番換人變陣，傾力反撲，遇上錘仔幫消極防守，後備班尼斯入替僅 16分鐘便協助喜鵲追成平手，7分鐘後更梅開二度，紐卡素反敗為勝。

3分鐘哥頓左面禁區角推入禁區，橫傳助攻的舒亞，馬夫路班奴斯小禁區邊拍甩，哥頓推前被祖法踢中，球證吹罰十二碼。

經 VAR覆核後，伊薩主射十二碼一矢中的，6分鐘喜鵲打開紀錄。

17分鐘拿錫斯傷出，卡夫特入替，出任右閘，丹般移入中路夥拍舒亞雙中堅，右後衞利華文圖改踢左閘。

21分鐘錘仔幫藉一個簡單直線波追和；柏基達開波圈直綫放前，安東尼奧左輔突破越位，壓過剛入替的卡夫特，單刀進入禁區，射破杜巴加十指關。

36分鐘喜鵲錯失再度領先機會；梅菲右面禁區角外高波斬入禁區，哥頓楔入近柱 8碼頭槌攻門，柱邊出底線。

完半場補時 5分鐘，梅菲右路回傳中路，基馬尼斯峨眉月抽射，門將阿希奧拿飛盡未能挽救，但皮球擊中楣角彈出。

補時 10分鐘錘仔藉一個快開自由球反超前；柏基達 30碼自由球送前，保雲追近底線，扣過利華文圖，回傳後上的古度斯，12碼快腳撞射入網。

再開僅 3分鐘，錘仔幫快速反擊得手，擴闊領先優勢；錘仔幫禁區內解圍，古度斯得球大步推進，近中線斜送中路保雲，推至禁區邊抽射破網。

57分鐘喜鵲連換 3人，改變進攻組合，尋求突破。

69分鐘箭頭安東尼奧退下火線，菲腊斯入替，錘仔幫加強防守。

73分鐘哥頓走右，禁區角附近傳中，安達臣遠柱前 6碼撞射，法比安斯基接牢。

77分鐘喜鵲藉一個”意外”十二碼追近；菲腊斯禁區內解圍時，哥頓從後伸腳倒地。

球證在 VAR提示後，親自到場邊檢視錄影，裁定為十二碼。

伊薩再次主射入網。

83分鐘喜鵲扳平；伊薩開波圈地波直線送前，班尼斯突破越位，右輔推入禁區，16碼施射，穿過法比安斯基跨下入網。

90分鐘喜鵲反超前；哥頓左面禁區角橫傳，班尼斯推過柏基達，峨眉月前抽射入網。

撰文：足球評述員蔡文堅