美加墨世界盃16強淘汰賽，上演「雙牙」大戰，西班牙憑完場前補時入波，1:0勝險勝葡萄牙，是自2010年奪冠以來，首次晉級8強。第六次出戰世界盃決賽周的葡萄牙球星C朗拿度，世界盃之旅告終，他賽後神情表現失望。

上半場西班牙攻勢較多，奧耶沙巴爾在8分鐘曾經單刀，但射門在柱邊出底線。葡萄牙的C朗拿度之後亦在禁區右邊窄角度施射，但被西班牙門將烏尼西蒙救出。

西班牙的耶馬及阿歷斯巴爾拿之後接連射門，都被葡萄牙門將迪奧高哥斯達撲出。

葡萄牙亦連番進攻。祖奧菲歷斯到36分鐘，在底線頭槌回傳，C朗拿度背向龍門用腳面攻門，被門將烏尼西蒙接實。紐奴文迪斯之後右路勁射，對方球員稍為頂到後，皮球中門楣彈出。
 

下半場，西班牙控球依然略為佔優，仍未能破網，先有柏迪施射高出，再有阿歷斯巴爾拿射地波，但威脅不大。耶馬的罰球亦被對方門將托出底線。

葡萄牙方面，般奴費南迪斯的施射亦中網側。結果法定時間互無紀錄。

結果西班牙到補時1分鐘，由後備入替只有6分鐘的米基爾馬連奴，接應費倫托利斯傳球在禁區射入，為西班牙打破僵局。葡萄牙的貝拿度施華在補時尾聲，頂中網頂，無法挽回敗局。

西班牙的8強對手，將是美國或比利時。